DisgrifiadDogfennau atodolCyflogwrLleoliad
YSGOL GYMRAEG SANT BARUC
Nifer y Disgyblion: 366 (Oedrannau 3 - 11)
PENNAETH CYNORTHWYOL DROS DRO (hyd at flwyddyn) Rhoddir ystyriaeth i ymgeiswyr sy'n dymuno secondiad o’u hysgol bresennol (yn amodol ar ganiatâd y Pennaeth/Llywodraethwyr).
Dyddiad cychwyn: Ebrill 2026 neu cyn gynted â phosibl
Cyflog: L7–L11
Yn sgil cyfnod mamolaeth y Pennaeth Cynorthwyol dros dro, mae Corff Llywodraethu Ysgol Gymraeg Sant Baruc yn dymuno penodi Pennaeth Cynorthwyol i weithio mewn partneriaeth â'r Pennaeth a'r Dirprwy Bennaeth dros dro i arwain tîm ymroddedig o staff addysgu a chymorth, gan chwarae rôl ganolog yn natblygiad parhaus yr ysgol.
Bydd y cyfrifoldebau'n arwain yn canolbwyntio’n benodol ar:
• Asesu a defnyddio data'n effeithiol i godi safonau
• Cynllunio, mireinio a datblygu’r cwricwlwm ar draws yr ysgol
• Gyrru gwelliant ysgol mewn partneriaeth ag aelodau’r uwch dîm arwain
Mae hon yn rôl ddelfrydol i arweinydd profiadol sydd ag angerdd dros wneud gwahaniaeth cadarnhaol i brofiadau a deilliannau disgyblion.
Y person rydym yn chwilio amdano
Rydym yn dymuno penodi unigolyn sy’n:
• Meddu ar weledigaeth glir a chadarn, gydag awydd i ddatblygu ei sgiliau arwain ymhellach
• Brofiadol ym maes arwain a rheoli, gyda’r gallu i feddwl yn strategol
• Dangos ymroddiad a brwdfrydedd tuag at sicrhau rhagoriaeth ar draws yr ysgol drwy arwain, annog ac ysbrydoli eraill
• Athro/athrawes ragorol sy’n ysgogi, ysbrydoli ac yn hybu cyflawniad disgyblion
• Meddu ar sgiliau cyfathrebu a rhyngbersonol cryf
• Barod i gyfrannu’n gadarnhaol at holl agweddau bywyd yr ysgol
• Cynnal ac yn hyrwyddo ethos Cymreig a safonau uchel
• Credu’n ddiamheuol fod pob disgybl yn gallu llwyddo, waeth beth fo’u cefndir neu’u gallu
Os ydych yn barod i ymgymryd â her newydd ac i ddatblygu eich gyrfa ac arbenigedd arwain, cysylltwch â’r Pennaeth am fanylion pellach.
Dyddiad cau: 23ain Chwefror 2026
Datganiad Diogelu
Mae Ysgol Gymraeg Sant Baruc yn ymrwymedig i ddiogelu a hyrwyddo lles plant, pobl ifanc ac oedolion agored i newid, ac mae’n disgwyl i’r holl staff a gwirfoddolwyr ddeall a rhannu’r ymrwymiad hwn. Mae ymrwymiad cyffredin gennym i ddatblygu diwylliant o barch, lle na chaiff gwahaniaethu ei oddef. Rydym yn croesawu pob cais, gan gynnwys ceisiadau gan bobl o grwpiau sydd wedi’u tangynrychioli ar sail ethnigrwydd, rhywedd, trawsrywedd, oedran, anabledd, cyfeiriadedd rhywiol neu grefydd.