Math o Gontract: Prentisiaeth Cyfnod Penodol, Llawn-amser am 13 mis Adran: Cynhyrchu Drama wedi'i Sgriptio Lleoliad: Caerdydd - Porth y Rhath Cyflog: £22,950 RYN NI'N STUDIO BBC Cwmni cyfryngau enwog yn fyd-eang wedi cyrraedd o’r BBC. Rydym yn creu ac yn dosbarthu cynnwys teledu, sain a digidol mwyaf dymunol y byd. Ein huchelgais yw bod yn gartref i'r straeon mwyaf pwerus, difyr, ac ysbrydoledig i bobl ledled y byd. AI UN O BRENTISIAETHAU’R BBC YW’R SWYDD NESAF I CHI? Ymunwch â ni fel prentis yn y BBC i roi hwb i’ch gyrfa mewn swydd y byddwch wrth eich bodd â hi. Rydym ni wedi ymrwymo i’ch helpu chi i ddatblygu eich sgiliau a’ch talent. Byddwch yn dysgu yn y gwaith ac yn cael cyfle i ddatblygu eich gwybodaeth a’ch sgiliau mewn maes y mae gennych chi ddiddordeb mawr ynddo, a hynny wrth weithio tuag at eich cymhwyster prentisiaeth gydag un o’n darparwyr dysgu. PAM YMUNO Â’R CYNLLUN? Dyma gyfle i chi lansio gyrfa yng nghanol y byd darlledu ym Mhrydain. Rydym ni'n chwilio am unigolion sy'n frwd dros ganfod sut rydym ni'n creu cynnwys ac yn dod â syniadau'n fyw. Yn dibynnu ar ardal eich lleoliad, gallech chi fod yn gweithio y tu ôl i'r llenni ar gynyrchiadau cyffrous, megis dramâu gafaelgar neu wefr radio byw, ac ennill cymhwyster cydnabyddedig wrth ddysgu yn y gwaith. Dyma gyfle i chi ehangu eich gwybodaeth am gynhyrchu wrth weithio ar gynnwys sy'n bwysig i filiynau. I gael rhagor o wybodaeth am y cynlluniau rydym ni'n eu cynnig, gallwch gofrestru i ymuno ag un o'n gweminarau yma. Sylwch fod y weminar ar gyfer y cynllun hwn yn cael ei chynnal nos Fercher 10 Rhagfyr am 6pm. Os nad ydych chi'n gallu bod yn bresennol, neu os ydych chi wedi gweld hyn ar ôl y dyddiad hwnnw, cadwch lygad ar ein rhestr o weminarau ar Youtube yma lle bydd y fideo'n cael ei uwchlwytho. PAM YMUNO Â’R TÎM? Byddwch wedi'ch lleoli ym Mhorth y Rhath, Cymru, a byddwch yn gweithio ar yr opera sebon Gymraeg hirhoedlog, Pobol y Cwm. Gan weithio yn yr Adran Olygyddol, byddwch yn dod i ddeall pob agwedd ar sut mae'r cynhyrchiad yn gweithio, gan ganolbwyntio'n benodol ar faterion Golygyddol. EICH PRIF GYFRIFOLDEBAU A’CH DYLANWAD Fel prentis Cynhyrchu, dyma gyfle gwych i ddysgu, tyfu a chyfrannu. Gallech chi: Gael dealltwriaeth dda o sut mae'r broses gyn-cynhyrchu yn gweithio ymlaen llaw. Helpu i drefnu amserlenni a chyfarfodydd, gan weithio'n agos gyda'n Huwch Gynhyrchwyr a Chynhyrchwyr Cyfres yn ein swyddfa olygyddol. Cewch gipolwg gwych ar yr hyn sydd ei angen i fynd â'n sgriptiau o'r stori i'r cynhyrchiad Cael profiad o'r hyn sydd ei angen i redeg swyddfa brysur ar ddrama yn y BBC. Byddwch chi'n dysgu yn y gwaith a'r tu allan i'r gwaith. Mae hyn yn golygu y byddwch chi, yn ogystal â dysgu ar eich lleoliad yn y BBC, yn mynychu blociau dysgu (wythnos neu ddwy ar y tro) gyda'n darparwr dysgu, gan weithio tuag at gymhwyster a gydnabyddir gan y diwydiant, sef Diploma Lefel 3 mewn Cyfryngau Digidol a Chreadigol. Bydd y blociau dysgu’n cael eu cyflwyno wyneb yn wyneb. I gael rhagor o wybodaeth am y fframwaith prentisiaeth y byddwch yn ei astudio, ewch i’r ddolen hon. EICH SGILIAU A’CH CYMHWYSEDD Rydym ni eisiau gwybod pam eich bod chi’n awyddus i weithio yn y BBC ac mae gennym ddiddordeb yn eich brwdfrydedd i ddarparu cynnwys o’r radd flaenaf a rhagoriaeth weithredol i’n cynulleidfaoedd. Nid ydym yn canolbwyntio ar eich cymwysterau, yn hytrach rydym ni’n chwilio am botensial, a byddwn yn rhoi cyfle i chi roi eich profiad a’ch cryfderau trosglwyddadwy ar waith mewn gwahanol ffyrdd. Os Oes Gennych Chi Rai O’r Sgiliau A’r Profiadau Hyn, Ynghyd â Chryfderau Trosglwyddadwy, Byddem Yn Falch o Glywed Gennych Chi Ac Rydym Yn Eich Annog i Wneud Cais. Rydym Ni’n Chwilio Am y Canlynol Y gallu i weithio drwy gyfrwng y Gymraeg. Llygaid craff i sylwi ar y manylion Sgiliau trefnu gwych Sgiliau ysgrifennu rhagorol Brwdfrydedd dros Ddrama. Mae'r cynllun hwn wedi'i anelu at bobl heb raddio. Os oes gennych chi radd a bod gennych chi ddiddordeb mewn rolau tebyg yn y BBC, rydym yn argymell eich bod yn gwneud cais am swyddi ar wefan gyrfaoedd y BBC neu’n edrych ar ein cynlluniau MEINI PRAWF CYMHWYSEDD Mae’n rhaid i chi fodloni’r gofynion canlynol i fod yn gymwys ar gyfer prentisiaeth yn y BBC: Bod yn 18 oed neu’n hŷn erbyn y bydd y brentisiaeth yn dechrau ym mis Medi 2026 Bod wedi byw yn y DU yn ddi-dor am y 3 blynedd cyn dechrau’r brentisiaeth Bod yn gymwys yn gyfreithiol i weithio’n llawn-amser yn y Deyrnas Unedig am holl gyfnod y brentisiaeth Bod heb gofrestru ar gynllun prentisiaeth arall sy’n cael ei gefnogi gan y BBC neu sefydliad arall ar hyn o bryd Nid oes angen unrhyw ddysgu blaenorol i wneud cais. Ar gyfer ymgeiswyr o dan 19 oed ar 8 Medi 2026: I gwblhau'r brentisiaeth, rhaid i chi fod wedi cael Sgiliau Hanfodol Cymru Lefel 2 mewn: Cyfathrebu a Chymhwyso Rhif o fewn 12 mis cyntaf y brentisiaeth. BAROD I YMGEISIO? Peidiwch â cholli'r cyfle i fod yn rhan o rywbeth cyffrous. Ydych chi'n eich gweld eich hun yn ffynnu yn y rôl hon? Cliciwch ‘Ymgeisio Nawr’! Bydd angen i chi greu proffil ymgeisydd ac ateb ambell gwestiwn - does dim angen CV na llythyr cais. Os ydych chi’n gymwys, byddwn ni’n eich tywys drwy’r camau nesaf gan roi syniad i chi o beth i’w ddisgwyl. Bydd angen i chi fyw o fewn pellter teithio i leoliad y swydd hon. Eisiau gweithio o leoliad gwahanol? Edrychwch ar ein hysbysebion eraill - ond cofiwch mai dim ond am un swydd y gallwch wneud cais. Mae'r BBC yn cydnabod y gallai fod angen i rai pobl sy'n gwneud cais am Gynllun Prentisiaeth y BBC symud i leoliad newydd ar gyfer y rôl, ac efallai na fydd hyn yn bosibl oherwydd eich cyfyngiadau ariannol personol. Cynigir cymorth adleoli i nifer cyfyngedig o brentisiaid bob blwyddyn ac fe fyddai hyn yn cael ei ystyried ar gyfer y swydd hon, yn amodol ar fodloni'r meini prawf cymhwyso ar gyfer cymorth adleoli. Bydd rhagor o fanylion yn cael eu rhannu ag ymgeiswyr yn ystod y broses recriwtio. Mae manylion y cymorth ehangach sydd ar gael yn y BBC ar gael yma. Mae hon yn brentisiaeth am gyfnod penodol - bydd eich contract yn para hyd ddiwedd y cynllun. Yn ystod eich prentisiaeth, byddwch chi’n cael eich cefnogi i ddatblygu yn eich gyrfa ac yn derbyn hyfforddiant cyflogadwyedd a chyfleoedd i rwydweithio i’ch helpu i gymryd y camau nesaf - boed hynny gyda’r BBC neu gyda sefydliad arall yn y diwydiant. PRA26 Disclaimer This job description is a written statement of the essential characteristics of the job, with its principal accountabilities, incorporating a note of the skills, knowledge and experience required for a satisfactory level of performance. This is not intended to be a complete, detailed account of all aspects of the duties involved. Our apprenticeship roles are also subject to you having the require qualifications that we have deemed to be necessary for your role and the requirement of the training provider for your scheme. The offer would be subject to you undergoing and meeting the requirements of a skill scan process with the BBC nominated training provider to determine your eligibility. Please note: If you were to be offered this role, the BBC will conduct Employment screening checks which include Reference checks; Eligibility to work checks; and if applicable to the role, Safeguarding and Adverse media/Social media checks. Any offer made is conditional on these checks being satisfactory.