Rhinweddau'r person:
Rydym yn chwilio am arweinydd ysbrydoledig, gweithgar a chydwybodol i ymgymryd â swydd Prif Weithredwr Mudiad Meithrin ar drothwy cyfnod lansio ein strategaeth newydd, ‘Meithriniaith’.
Ein pennaf nod fydd i ysbrydoli newid dros y 5 mlynedd nesaf er mwyn cynyddu nifer y plant sy’n dechrau taith iaith gyda ni yng nghymuned Mudiad Meithrin gan gofio mai’r blynyddoedd ffurfiannol yw’r cyfnod gorau i ddylanwadu ar arferion iaith am oes.
Bydd ein Prif Weithredwr newydd yn gyfathrebwr heb ei ail, yn ddylanwadwr dawnus ac yn bartner dibynadwy sydd â hanes llwyddiannus o gyflawni ar draws ystod o brosiectau croestoriadol.
Byddant yn unigolyn sydd wedi’u hysgogi gan werthoedd Mudiad Meithrin a’u cymell gan yr awydd i wireddu’r uchelgais fod y Gymraeg yn perthyn i bawb.
Dyletswyddau’r swydd
Bydd y Prif Weithredwr yn atebol i Fwrdd Cyfarwyddwyr Mudiad Meithrin trwy Gadeirydd y Mudiad am gyflawni’r canlynol:
● Hyrwyddo gofal plant ac addysg Gymraeg i bob plentyn gan gofleidio holl egwyddorion y Mudiad
● Sicrhau rhediad dydd i ddydd effeithiol y Mudiad yn unol â’r gofynion rheoleiddiol a statudol ar yr elusen gan gyrff megis Arolygiaeth Gofal Cymru, Gwasanaethau Cymdeithasol, Estyn, Gofal Cymdeithasol Cymru, Comisiwn Elusennau, Swyddfa Comisiynydd Gwybodaeth, HSE i enwi’r prif sefydliadau
● Sicrhau rhediad dydd i ddydd effeithiol is-gwmni Mudiad Meithrin, ‘Meithrinfeydd Cymru Cyf’
● Gweithredu fel Unigolyn Cyfrifol ( ar y cyd ag eraill i ddarpariaethau gofal plant sy’n cael eu cefnogi a’u rhedeg gan is-gwmni Meithrinfeydd Cymru Cyf ac, yn achlysurol, fel arall.
● Sicrhau llif gwybodaeth briodol i’r Bwrdd Cyfarwyddwyr am ddatblygiad holl gynlluniau ac adrannau’r Mudiad
● Gweithredu fel Ysgrifennydd Cwmni a Swyddog Cyfrifyddu
● Sicrhau rheolaeth gadarn o holl ffynonellau ariannol ac amrywiol asedau Mudiad Meithrin a sicrhau llif arian positif wrth weithredu cynlluniau
● Ysgwyddo cyfrifoldeb dros holl staff Mudiad Meithrin (ynghyd â staff unrhyw gynlluniau dros dro), a’u datblygiad, gan gynnig arweiniad clir a phendant. Mae cyfrifoldeb penodol i gytuno targedau a gwerthuso gwaith chwech aelod y Tîm Strategol
● Sicrhau fod Mudiad Meithrin yn gweithio at fod yn sefydliad gwrth-hiliol
● Arwain ar, ac ysgwyddo cyfrifoldeb dros, lunio strategaethau a chynlluniau corfforaethol cenedlaethol ar gyfer y Mudiad
● Sicrhau gweithrediad strategaethau penodol: rhai Mudiad Meithrin a rhai a gytunir ar y cyd â phartneriaid ym meysydd y Gymraeg, gofal plant, y blynyddoedd cynnar ac yn ehangach
● Cadeirio partneriaeth gofal plant, blynyddoedd cynnar a chwarae ‘Cwlwm’ ac ysgwyddo holl gyfrifoldeb am ei rediad effeithiol
● Cadw, meithrin, a datblygu perthynas ag adrannau penodol o Lywodraeth Cymru ac Awdurdodau Lleol
● Cadw, meithrin, a datblygu perthynas ag Aelodau Senedd Cymru, yn enwedig ag aelodau pwyllgorau perthnasol, er lles a datblygiad y Mudiad
● Gwneud ceisiadau, yn unol â strategaethau a gytunir, am gyllid craidd, grantiau a phrosiectau ar gyfer Mudiad Meithrin
● Sicrhau gweithrediad a chyrraedd targedau a osodir gan gyllidwyr a pharatoi adroddiadau cynnydd yn ôl yr angen
● Bod yn lladmerydd dros Mudiad Meithrin a’i gynrychioli yn effeithiol mewn cyfarfodydd cyhoeddus, ar y cyfryngau a phwyllgorau perthnasol.
Bydd disgwyl i’r Prif Weithredwr fynychu gwyliau cenedlaethol Cymreig a chynrychioli’r Mudiad yno
● Sefydlu a datblygu perthynas adeiladol ag asiantaethau statudol ac anstatudol, gan gynnwys mudiadau cyffelyb, y tu mewn a thu allan i Gymru
● Unrhyw waith arall perthnasol a chyffredinol i swyddogaeth y Mudiad yn ôl cyfarwyddyd y Cadeirydd Cenedlaethol neu’r Bwrdd Cyfarwyddwyr.
Trafodaeth pellach:
Pe hoffech drafod y swydd hon, mae croeso i chi gysylltu gyda Chadeirydd Mudiad Meithrin cadeirydd@meithrin.cymru neu ddeilydd presennol y swydd, Dr Gwenllian Lansdown Davies ar gwenllian@meithrin.cymru
Gwneud Cais:
Gyrrwch lythyr dwy ochr neu fideo 3 munud o hyd yn esbonio sut rydych yn cyrraedd y meini prawf a chopi o’ch CV er sylw Bwwneud Cais:rdd Cyfarwyddwyr Mudiad Meithrin i adnoddaudynol@meithrin.cymru erbyn Medi 26 2025 am hanner dydd.
Dyddiadau allweddol tebygol:
Dyddiad cau – Medi 26 2025 am hanner dydd
Dewis rhestr fer – Hydref 1 2025
Cyfweliad gyda rhanddeiliaid allweddol ar ‘Teams’ – ar ddyddiad i’w gadarnhau wythnos yn cychwyn Hydref 6 2025
Prawf, cyflwyniad a chyfweliad ffurfiol wyneb yn wyneb yn Aberystwyth – ar Hydref 13 2025
Proud member of the Disability Confident employer scheme
Disability Confident
About Disability Confident
A Disability Confident employer will generally offer an interview to any applicant that declares they have a disability and meets the minimum criteria for the job as defined by the employer. It is important to note that in certain recruitment situations such as high-volume, seasonal and high-peak times, the employer may wish to limit the overall numbers of interviews offered to both disabled people and non-disabled people. For more details please go to Disability Confident .