Neach-cuideachaidh Cùram Dachaigh agus Ath-chomasachaidh Faothachaidh, Barraigh (2585)
£14.12 gach uair a thìde (a’ gabhail a-steach £1.42 de Chuibhreann Eileanan Iomallach gach uair a thìde)
Tha Seirbheis Cùram Dachaigh agus Ath-chomasachaidh a’ lorg luchd-obrach cùraim a tha coibhneil, truasail agus earbsach airson an sgioba de luchd-obrach sgileil againn gus taic a chur ri daoine sna coimhearsnachdan againn agus leigeil leotha cumail orra a bhith a’ fuireach aig an taigh. ’S e amas na seirbheis a dhèanamh cinnteach gun tèid cùram agus taic aig ìre àrd a lìbhrigeadh fad na h-uìne, stèidhichte air planadh a tha ag aithneachadh fheumalachdan pearsanta dhaoine, truas, urram, spèis agus earbsa. Ma tha thu airson eadar-dhealachadh a dhèanamh ann am beatha dhaoine a tha a’ fuireach sa choimhearsnachd ionadail agad, dh’ fhaodadh gun còrd an dreuchd seo riut. ’S e dreuchd air leth buannachdail a tha seo, agus tha an fheadhainn a bhios a’ faighinn buannachd às an t-seirbheis agus a’ choimhearsnachd nas fharsainge a’ cur luach mòr air.
Tha cead-draibhidh RA slàn riatanach airson na dreuchd seo. Tha cleachdadh còmhdach-dìon PPE riatanach san obair seo.
Feumaidh tu ballrachd de Sgeama Dìon Bhuidhnean So-leònta (PVG) a thaobh a bhith an sàs ann an obair riaghlaichte le Inbhich san dreuchd seo.
Tha tuarastal na dreuchd a’ gabhail a-steach Cuibhreann Eileanan Iomallach. Thèid an neach a shoirbhicheas fhastadh air a’ chiad ìre den rang.
Tha e riatanach gun leugh thu an cunntas-obrach agus an sònrachadh pearsanta ’s gun toir thu iomradh air mar a tha thu a’ coileanadh gach slat-tomhais air a bheilear a’ toirt iomradh anns an t-sònrachadh phearsanta nad aithisg eòlais.
Thèid agallamhan a chumail an làthair gu pearsanta, a’ toirt cothrom dha tagraichean coinneachadh ris an sgioba agus agus beachd fhaighinn air ar àrainneachd obrach.
#J-18808-Ljbffr